17 yaşadək futbolçulardan ibarət (2009-cu il təvəllüd) Azərbaycan millisi Moldovanın paytaxtı Kişinyovda təşkil olunan UEFA İnkişaf Turnirində ilk oyununu keçirib.

Prosport.Az xəbər verir ki, U-17 meydan sahiblərinin müvafiq yaş qrupundan ibarət komandası ilə qarşılaşıb.

“Zimbru” stadionunda baş tutan görüş Moldova yığmasının 1:0 hesablı qələbəsi ilə yekunlaşıb. Digər oyunda Gürcüstan Estoniyanı 4 cavabsız qolla məğlub edib.

Qeyd edək ki, millimiz turnir çərçivəsində növbəti matçlarını aprelin 16-da Gürcüstanla, 19-da isə Estoniya ilə keçirəcək. Hər iki qarşılaşma Bakı vaxtı ilə saat 12:00-da başlayacaq.