Azərbaycan Basketbol Liqasında pley-ofa vəsiqə qazanan daha bir komanda bəlli olub.

Prosport.Az xəbər verir ki, "Ordu" bu raundda iştirak hüququ əldə edib. "Hərbçilər" pley-in mərhələsinin ikinci oyununda "Quba"nı üstələyib – 92:88. Komanda ilk matçda da qalib gəlmişdi – 91:83.

Bu gün NTD və "Abşeron" kollektivləri münasibətlərə aydınlıq gətirəcək. Matç "Sərhədçi" İdman Mərkəzində, saat 18:00-da başlayacaq. İlk dueldə "Abşeron" qələbə qazanıb – 88:74.

Saat 21:00-da eyni arenada "Sərhədçi" "Sumqayıt"ın müqavimətini qırmağa çalışacaq. İlk görüşdə 1-cilər inamlı qalibiyyət əldə edib – 123:97.

Qeyd edək ki, pley-in mərhələsində 2 qələbə əldə edən komanda pley-ofa vəsiqə qazanacaq. Daha əvvəl "Gəncə" "Lənkəran"ı (96:92, 100:74) üstələyərək bu mərhələdə iştirak hüququ qazanıb.