Azərbaycan güləşçisi Jalə Əliyeva (57 kq) Slovakiyanın paytaxtı Bratislavada keçirilən Avropa çempionatında bürünc medal qazanıb.

Prosport.Az xəbər verir ki, o, 3-cü yer uğrunda görüşdə Yenna Hemyae (Finlandiya) ilə üz-üzə gəlib.

Rəqibinə 10:3 hesabı ilə qalib gələn Əliyeva bürünc mükafata sahib çıxıb. Bu, qadın güləşi üzrə yığmamızın hazırkı qitə çempionatında ilk medalı olub.

Qeyd edək ki, daha əvvəl sərbəst güləşçilər 1 qızıl, 1 gümüş və 4 bürünc mükafata sahib çıxıb. Giorgi Meşvildişvili (125 kq) Avropa çempionu olubsa, Osman Nurməhəmmədov (92 kq) gümüş, İslam Bazarqanov (57 kq), Əli Rəhimzadə (65 kq), Kənan Heybətov (70 kq) və Ağanəzər Novruzov (74 kq) bürünc medala sahib çıxıb.

Azərbaycanın sərbəst güləş millisi komanda hesabında Avropa çempionu olub. Qitə birinciliyi sabah başa çatacaq.