Azərbaycan millisi Serbiyada keçirilən U-15 Gimnaziadada növbəti medalını qazanıb.

Prosport.Az-ın Serbiyanın Pojeqa şəhərinə ezam olunmuş əməkdaşı xəbər verir ki, komandamızın aktivinə mükafatı karateçimiz Qorxmaz Səfərli (58 kq) əlavə edib.

Karatenin sanbon şobu növündə çıxış edən və bir günə 10 döyüş keçirən (2 fərqli növdə) idmançımız 2-ci yeri tutub. O, finalda Tavib Sanqtonqa (Tailand) 3 vaza-ari xalı ilə uduzaraq gümüş medalla kifayətlənib.

Qeyd edək ki, Gimnaziadada karate yarışları bununla da başa çatıb.