U-15 Gimnaziadada boksçuların mübarizəsinə start verilib.

Prosport.Az xəbər verir ki, Zlatiborda keçirilən yarışın ilk günündə Azərbaycan millisinin 10 idmançısı döyüşünü qələbə ilə başa vurub.

Komandamızın heyətində Babək Abdullayev (40 kq) Zaxari Kovala (Ukrayna), Azad Məmmədli (44 kq) İvan Burlakaya (Ukrayna), İsmayıl Aslanlı (50 kq) Orest Petrovskiyə (Ukrayna), Yusif Əli (52 kq) Aleksandros Konstantinuya (Kipr) və Kəmalə Həsənova (54 kq) Ana Sentus Velozuya (Braziliya) qalib gələrək, yarımfinala vəsiqə qazanıb. Onlar qələbə sayəsində özləri üçün azı bürünc medalı da təmin edib.

Aysan Miriyeva (46 kq) yarımfinalda Sentus Silvanı (Braziliya), Leyla Mahmudlu (51 kq) Əsmanur Kahramanı (Türkiyə), Nurlan Müseyibli (66 kq) Qleb Zlenkonu (Ukrayna), Zirəddin Rüstəmli (70 kq) Draqan Todoroviçi (Serbiya) və Mehran Rəsulov (75 kq) Rijon Rumba Limanı (Nepal) məğlub edərək, finala vəsiqə qazanıb.

Digər boksçumuz Nəriman Əli (54 kq) isə yarımfinalda məğlub olaraq, Gimnaziadanı bürünc medalla başa vurub.

Qeyd edək ki, boksçuların mübarizəsinə aprelin 12-də yekun vurulacaq.