Azərbaycanın sərbəst güləşçisi Giorgi Meşvildişvili Slovakiyanın paytaxtı Bratislavada keçirilən Avropa çempionatında qızıl medal qazanıb.

Prosport.Az xəbər verir ki, 125 kq çəki dərəcəsində çıxış edən idmançı finalda gürcüstanlı Solomon Manaşviliyə qalib gəlib.

Həlledici görüşdə Dauren Kuruqluyevə (Yunanıstan) uduzan Osman Nurməhəmmədov (92 kq) ikinci yerlə kifayətlənib. Ağanəzər Novruzov (74 kq) isə bürünc medal uğrunda qarşılaşmada Ramazan Ramazanovu (Bolqarıstan) üstələyərək, Avropa üçüncüsü olub.

Bununla da sərbəst güləşçilərimiz Avropa çempionatını 6 medalla başa vurublar. Daha əvvəl İslam Bazarqanov (57 kq), Əli Rəhimzadə (65 kq) və Kənan Heybətov (70 kq) bürünc mükafata sahib çıxıblar.

Avropa çempionatına aprelin 13-də yekun vurulacaq.