Serbiyada keçirilən U-15 Gimnaziadada taekvondoçuların mübarizəsinə yekun vurulub.

Prosport.Az xəbər verir ki, Azərbaycan millisi Pojeqa şəhərində keçirilən 2-ci yarış günündə daha 9 qızıl və 1 gümüş medal qazanıb.

Taekvondoçularımızdan Fidan Muxtarzadə (29 kq), Tapdıq Quluzadə (33 kq), Musa Süleymanlı (37 kq), İnci Oruczadə (37 kq), Ədiş Cəlilov (49 kq), Elmir Səlimov (53 kq), Eda Eren (55 kq), Rəsul Cavadzadə (61 kq), Fuad Həsənov (+65 kq) qızıl, Elmira Bayrak (41 kq) gümüş medal əldə edib.

Beləliklə, taekvondoçularımız Oyunlarda ümumilikdə 10 qızıl, 3 gümüş və 3 bürünc medala sahib çıxıb.

Qeyd edək ki, bununla da millimizin aktivindəki medal sayı 50-yə yüksəlib.