“Bürünc medal görüşü gözlədiyimdən daha çətin keçdi”.

Prosport.Az xəbər verir ki, bunu Azərbaycanın sərbəst güləşçisi İslam Bazarqanov deyib.

Slovakiyanın paytaxtı Bratislavada keçirilən Avropa çempionatında 3-cü yeri tutan pəhləvanımız fikirlərini açıqlayıb: “Bürünc medal qazandım. Hədəfim çempionluq idi. Çox təlim-məşq toplanışları keçmişdik. Yaxşı formada idim. Əlbəttə, qalib gəlmək istəyirdim. Məşqçilərimizə və bizə hər cür şərait yaradan federasiyamıza təşəkkür edirəm. Yarımfinalda bəlkə də özümə bir qədər inanmadığım üçün məğlub oldum. Bilmirəm. Öz üzərimdə daha çox işləməliyəm. Bundan sonra bir qədər istirahət edəcəyik. Daha sonra digər turnirlər və dünya çempionatına hazırlıq məqsədilə təlim-məşq toplanışlarına başlayacağıq”.

Qeyd edək ki, 57 kq çəkidə çıxış edən İslam 1/4 finalda türkiyəli Muhammet Karavuşa 8:1 hesabıyla qalib gəlsə də, yarımfinalda Naçın Monquşa (UWW) uduzub - 0:5. O, bürünc uğrunda qarşılaşmada İvaylo Tisovu (Bolqarıstan) 12:2 hesabı ilə məğlub edib.