Azərbaycanın 2 sərbəst güləşçisi Slovakiyanın paytaxtı Bratislavada keçirilən Avropa çempionatında bürünc medal qazanıb.

Prosport.Az xəbər verir ki, Kənan Heybətov (70 kq) macarıstanlı İsmayıl Musukayevə, Əli Rəhimzadə (65 kq) ukraynalı Andrey Sviridlə və İslam Bazarqanov (57 kq) bolqar İvaylo Tisova qalib gələrək bürünc medal əldə edib.

Həmçinin, bu gün mübarizəyə qoşulanlardan Osman Nurməhəmmədov (92 kq) yarımfinalda gürcüstanlı Miriani Maysuradzeyə qalib gəlməklə finala adlayıb. Giorgi Meşvildişvili (125 kq) isə həlledici mərhələyə gedən yolda Dzianis Xramyanuku (UWW) üstələyib.

Osman Nurməhəmmədov qızıl medal uğrunda görüşdə Dauren Kuruqliyevlə (Yunanıstan), Giorgi Meşvildişvili isə həmyerlisi Solomon Manaşvili (Gürcüstan) ilə üz-üzə gələcək.

Ağanəzər Novruzov (74 kq) isə yarımfinalda Albaniyanı təmsil edən Çermen Valiyevə uduzmaqla fəxri kürsünün ən yüksək pilləsinə qalxmaq şansını itirib. O, sabah 3-cü yer uğrunda görüşdə Ramazan Ramazanovla (Bolqarıstan) qarşılaşacaq.