Azərbaycan kikboksçusu Fərid Ağamoğlanov Polşada keçirilən III Avropa Oyunlarına uğurlu start verib.

Prosport.Az-ın Polşaya ezam olunmuş əməkdaşının verdiyi məlumata görə, 63,5 kq çəki dərəcəsində döyüşən idmançımız 1/4 finalda slovakiyalı Filip Barakı 3:0 hesabı ilə məğlub edib.

Bununla da Eduard Məmmədovun tələbəsi olan Fərid Ağamoğlanov azı bürünc medalı özü üçün təmin edib.

Qeyd edək ki, bu gün Bakı vaxtı ilə saat 17:00-da Elşad Şahbazov (86 kq) Artyom Melniklə (Ukrayna) rinqə çıxacaq.

Səbuhi Musa