Azərbaycanı Serbiyanın Zlatibor şəhərində keçiriləcək Gimnaziada İdman Oyunlarında 30 güləşçi təmsil edəcək.

Prosport.Az xəbər verir ki, Namiq Quliyev və Elşad Allahverdiyevin rəhbərliyi altında Elman İsmayılov (38 kq), Hüseyn Rzazadə (41 kq), İbrahim Həsənov (44 kq), Tamerlan Namazlı (48 kq), Fərid Hüseynli (52 kq), Elcan Həsənov (57 kq), Məhəmməd Həsənli (62 kq), Xəyal Şükürlü (68 kq), Elvin Necəfzadə (75 kq) və Tural Eynullayev (85 kq) sərbəst güləşçilərin yarışında çıxış edəcək.

Növbəti gün məşqçilər Həsrət Məmmədyarovla Solmaz Adilovanın rəhbərliyi altında qızlar xalçaya çıxacaq. Heyətdə Gülay Xasməmmədova (33 kq), Gülxanım Şirinova, Vidan Babayeva (hər ikisi 39 kq), Gülnar Ağadadaşova (42 kq), Məryəm Hacıyeva (46 kq), Günel Kərimli (50 kq), Məryəm Əmrəli (54 kq), İnci Abdullayeva (58 kq), Rəna Nuriyeva (62 kq) və Simurə Abdullayeva (66 kq) yer alıb.

Aprelin 8-də isə məşqçilər Əbülfət Məmmədovla İlham Vəzirovun rəhbərliyi altında yunan-Roma güləşçiləri mübarizə aparacaq. Bu yarışda Hüseyn Əmrahlı (38 kq), Əli Cavadlı (41 kq), Amin Məmmədov (44 kq), Abdurrahman Hüseynli (48 kq), Qurban Məcnunov, Hüseyn Mustafazadə (hər ikisi 52 kq), Eldəniz Allahverdiyev (57 kq), Əli Məmmədov (68 kq), İsfahan Həsənov (75 kq) və Zöhrab Səfərov (85 kq) uğur qazanmağa çalışacaq.

Qeyd edək ki, Gimnaziadada güləş yarışları aprelin 6-8-də olacaq. Görüşlər hər gün Bakı vaxtı ilə saat 12:00-da başlayacaq. Gimnaziadada 2-ci dərəcəli hakim Eldar Məmmədov ədaləti qoruyacaq.