Azərbaycanı Serbiyada təşkil olunacaq ISF U-15 Gimnaziada İdman Oyunlarının Multiidman yarışlarında təmsil edəcək boksçu və şahmatçılar müəyyənləşib.

Prosport.Az xəbər verir ki, 22 boksçu Azərbaycanı bu yarışda təmsil edəcək.

Oğlan boksçulardan ibarət yığmada Babək Abdullayev (40 kq), Kazım Baxışov (42 kq), Azad Məmmədli (44 kq), Məmməd Həsənli (46 kq), Amin Həsənov (48 kq), İsmayıl Aslanlı (50 kq), Yusif Əli (52 kq), Nəriman Əli (54 kq), Sabir Rüstəmov (57 kq), Sərxan Haqverdiyev (63 kq), Nurlan Müseyibli (66 kq), Zirəddin Rüstəmli (70 kq), Mehran Rəsulov (75 kq) və Yusif Ağakişiyevə (80 kq) yer alıb.

Qızların mübarizəsində isə Nəzrin Abdullazadə (38 kq), Tunca Mürşüdova (40 kq), Aişə Muradova (44 kq), Ayşən Miriyeva (46 kq), Nuray Qafarova (48 kq), Leyla Mahmudlu (51 kq), Kəmalə Həsənova (54 kq) və Xumar Cəfərli (70 kq) rinqə çıxacaq.

Azərbaycan Gimnaziadada şahmat üzrə isə 2 idmançı ilə təmsil olunacaq. Rapid və blits üzrə keçiriləcək yarışda Paşam Əlizadə və Məryəm Ağaverdiyeva mübarizə aparacaq. 

Qeyd edək ki, aprelin 4-dən 14-dək təşkil olunacaq Gimnaziadada boksçuların mübarizəsinə aprelin 7-də start veriləcək. Şahmat üzrə rapid yarışları isə aprelin 6-8-də, blits oyunları isə 10-da baş tutacaq.