"Bu oyundan əvvəl çoxları düşünürdü ki, biz autsayderik. Oyuna yaxşı hazırlaşmışdıq".

Prosport.Az xəbər verir ki, bunu NTD komandasının baş məşqçisi Tahir Baxşıyev basketbol üzrə Azərbaycan Kubokunun yarımfinalında “Neftçi” üzərində qazanılan  86:83 hesablı qələbəni şərh edərkən deyib.

Mütəxəssis bildirib ki, Murad Babayevin olmaması komandasına problemlər yaradırdı: "Bu oyunda Hüseyn Məmmədov və Oğuzxan Quliyev özlərini göstərmək üçün şans əldə etdilər. Və sübut etdilər ki, basketbol oynamağı bacarırlar. “Neftçi” çox güclü komandadır. Onların heyətində Azərbaycan milli komandasının iki oyunçusu var. Onlar yaxşı oyun göstərdilər. Amma biz daha güclü olduq”.

Qeyd edək ki, NTD ölkə kubokunun həlledici oyununda “Gəncə” ilə qarşılaşacaq.