Azərbaycan boksçusu Məhəmməd Abdullayev (+92 kq) Polşada keçirilən III Avropa Oyunlarında növbəti döyüşünə çıxıb.

Prosport.Az xəbər verir ki, dünya çempionatının mükafatçısı 1/4 finalda Stilianos Puliasla (Yunanıstan) üz-üzə gəlib.

Görüş boksçumuzun qələbəsi ilə başa çatıb. Abdullayev rəqibini 5:0 hesabı ilə məğlub edib.

O, yarımfinala çıxmaqla özü üçün ən azı bürünc medalı təmin edib. Məhəmmədin rəqibi Almaniya təmsilçisi Nelvi Raman Tiafak olacaq. 

Xatırladaq ki, daha öncə Murad Allahverdiyev (80 kq) də 1/4 final döyüşünü qələbə ilə bitirib və azı bürünc medalı özü üçün təmin edib. Avropa Oyunlarında yarımfinal döyüşləri sabah olacaq.