Azərbaycan Basketbol Liqasında XX turunun təqvimində dəyişiklik edilib.

Prosport.Az xəbər verir ki, aprelin 5-də nəzərdə tutulan “Gəncə” – “Sumqayıt” matçının keçirilmə tarixi bir gün sonraya keçirilib.

Qarşılaşma aprelin 6-da, saat 14:00-da Gəncə İdman Sarayında baş tutacaq.

Qeyd edək ki, Azərbaycan Basketbol Liqasında XX tur aprelin 1-də B qrupunun lideri "Şəki" ilə autsayder "Lənkəran" arasında oyunla başlayacaq. Bu oyunda "Şəki" qalib gəlsə, Gəncədəki matç formallığa çevriləcək.