Minskdə təlim-məşq toplanışında olan Azərbaycanın 17 yaşadək futbolçulardan ibarət millisi 2-ci yoxlama görüşündə də məğlub olub.

Prosport.Az xəbər verir ki, Aqil Nəbiyevin baş məşqçisi olduğu komanda Belarusun müvafiq yaş qrupundan ibarət kollektivi ilə qarşılaşıb.

Oyun meydan sahiblərinin 3:0 hesablı qələbəsi ilə başa çatıb. Qudaç 16, Yastoçkin 32 və Titov 50-ci dəqiqədə qapımıza qolları vurub. Maraqlıdır ki, ilk matçda da bu futbolçular məhz bu ardıcıllıqla qapımıza qol vurmuşdu.

Qeyd edək ki, komandalar arasında martın 23-də keçirilən ilk yoxlama matçında da Belarus eyni hesabla qələbə qazanmışdı.