Qəbələdə təlim-məşq toplanışında olan 19 yaşadək futbolçulardan ibarət Azərbaycan milli komandası (U-19) 2-ci yoxlama görüşünü keçirib.

Prosport.Az xəbər verir ki, U-19 Qəbələdə hazırlıq keçən Moldovanın müvafiq yaş qrupundan ibarət kollektivi ilə qarşılaşıb. Oyun Moldova yığmasının 4:1 hesablı qələbəsi ilə yekunlaşıb. 

Rəqibdən Daniel Tonika (7) hesabı açıb. Millimizin heyətində qolu 58-ci dəqiqədə "Qarabağ"ın futbolçusu Hikmət Cəbrayılzadə vurub. Moldovanın aşağı liqasında mübarizə aparan "Saksan"ın futbolçusu Boqdan Mustatse 38, 65 və 68-ci dəqiqələrdə het-trikə imza atıb. "Sabah"ın futbolçusu Babamirzə Mehdiyev 74 və 85-ci dəqiqələrdə sarı vərəqə alaraq meydandan qovulub.

Azərbaycan: 22.Ayxan Əlizadə (12.Aftandil Arıxov, 46), 4.Məsud Əlişanlı, 5.Əli Nəbizadə (3.Vüsal Paşayev, 46), 6.Emin Feyzullayev (10.Hikmət Cəbrayılzadə, 46), 7.Əli Qurbanov, 9.Toğrul Tapdıqlı (13.Arzu Mədətov, 46), 14.Ömər Kərimov (18.Nihad Orucəli, 46), 15.Murad Mustafayev (21.Ömər Həsənli, 46), 16.Həsən Mahmudov (23.Rəşad Əlişov, 46), 19.Eltun Babazade (11.Babamirzə Mehdiyev, 65), 20.Əmir Əliyev (25.Məmməd Mahmudlu, 46)

Ehtiyat oyunçular: 1.Həbib Hüşənov, 2.Seydi Danzıyev, 8.Rauf Qafarov, 17.Ziya Şəkərxanov

Baş məşqçi: Elxan Abdullayev 

Moldova: 12.Dan Rusu, 2.Vadim Burka (14.Danil Sorokin, 52), 3.Daniel Tonika (17.Antoni Kasko, 81), 4.David Dimitrișin, 5.İvan Qraminski (13.Denis Dzubetski, 82), 6.George Moșnaqu (16.Danila Dimitrișin, 52), 7.Kiril Silçenko (18.Sergiu Unquryanu, 81), 8.Aleksandru Muntyan, 9.Nikita Karageorgi (19.Sandro Bateryanu, 52), 10.Boqdan Mustatse (15.Mixail Sava, 75), 11.Nikolae Qumeni (20.İlya Karaman, 81)

Ehtiyat oyunçu: 1.Maksim Qumenko 

Baş məşqçi: Lilian Popesku

Qeyd edək ki, komandalar arasında martın 19-da keçirilən ilk yoxlama matçı 0:0 hesablı heç-heçə ilə başa çatmışdı.