"Ordu" Azərbaycan Basketbol Liqasının XIX turunda evdə "Lənkəran"a 87:65 hesabı ilə qalib gəlib.

Prosport.az xəbər verir ki, hər iki komandanın baş məşqçisi matçla bağlı fikirlərini bölüşüb.

Alberto Blanko ("Ordu"): "Oyunun əvvəli bərabər səviyyədə keçsə də, boyük fasilədən sonra müdafiədə çox yaxşı oynadıq və bunun hesabına da qalib gəldik. Rəqibə qarşı pressinq etdikdən sonra onlar bizə müqavimət göstərə bilmədi. Bundan sonra növbəti oyunlara hazırlaşacağıq".

Georgi Kondruseviç ("Lənkəran"): "Ordu" qrupumuzun ən güclü komandalrındandır. Onları qələbə münasibəti ilə tə brik edirəm. Çətin oyun keçdi. Heyətlə bağlı problemlərimiz öz sözünü dedi. Ehtiyat oyunçular skamyasının kasad olması oyunçuların daha tez yorulmasına səbəb oldu. Gücümüz yalnız ilk 2 hissədə mübarizə aparmağa yetdi. Ardıcıl məğlubiyyətlərdən sonra oyunçuların psixoloji problemləri var. Çalışacağıq ki, bunu aradan qaldırıb komandanı "Şəki" ilə oyuna kökləyək. Müntəzəm çempionatın son turunda evdə ilk qələbəmizi qazanmaq üçün əlimizdən gələni edəcəyik".