"İlk olaraq “Sərhədçi” komandasını təbrik edirəm. Həqiqətən oyunun sonuna kimi mübarizə apardılar. 3 period müdafiədə çox yaxşı çıxış etdik".

Prosport.Az xəbər verir ki, bunu “Naxçıvan” BK-nın baş məşqçisi Murat Dikmən “Sərhədçi” BK ilə oyundan sonra deyib.

Türkiyəli mütəxəssis Azərbaycan Basketbol Liqasının XVIII turu çərçivəsində 68:66 hesablı qələbə barədə fikirlərini bildirib: "Hər şey istədiyimiz kimi davam etdi. Lakin son periodda hesab arasındakı fərq bizə bir az rahatlıq verdi. Rəqib də bundan istifadə edərək bizi çox yaxşı cəzalandırdı. 17 top itkisinə yol vermişik. Həqiqətən də bu, inanılmaz bir rəqəmdir. Bunu aradan qaldırmalıyıq. Həm pley-offlarda, həm də Kubokda heç bir rəqib bu səhvləri bağışlamaz. Son anlarda rəqib hesabı bərabərləşdirsə də, matçın sonunda qalib gəlməyi bacardıq. Bu oyundan yaxşı dərs çıxarmalıyıq. Artıq çempionatda ilk 2 sıradan birini təmin etdik. Məqsədimiz hər 2 tərəfdə də final oynayıb ən az birini qazanmaqdır.