Azərbaycan Basketbol Liqasının XVIII turunda "Sabah" "Abşeron"a 99:64 hesabı ilə qalib gəlib.

Prosport.Az hər iki komandanın baş məşqçisinin fikirlərini təqdim edir:

Rimas Kurtinaytis (“Sabah”): “Mən yalnız qələbə qazanmaq yox, bunu səviyyəmizi göstərərək gözəl oyunla əldə etmək istəyirəm. Bizim nə və necə oynadığımız görünməlidir. Hansı kombinasiyaları qururuq, necə müdafiə olunuruq. 2 və 3-cü periodda müdafiədəki oyunumuzu çox bəyəndim. Bəzi epizodlar oldu ki, daha yaxşı çıxış edə bilərdik. Amma digər tərəfdən 40 dəqiqə yaxşı oynamaq da çətindir. Elə səhvlər var ki, bizim səviyyəmizdə komanda onu edə bilməz. Qələbə qazandığımıza və oyunu zədəsiz bitirdiyimizə görə şadam”.

Ərhan Tokər ("Abşeron"): "Sabah" klubunu təbrik edirəm. Ötən tur biz onları məğlub etmişdik. Buna görə bu dəfə bizə qarşı çox sərt və aqressiv oynadılar. Qarşılıq verə bilmədik. Ona görə də məğlub olduq".