"Şəki" Azərbaycan Basketbol Liqasının XVIII turunda səfərdə "Sumqayıt"a 104:96 hesabı ilə qalib gəlib.

Prosport.Az xəbər verir ki, matçdan sonra hər iki komandanın baş məşqçisi nəticəni şərh edib.

Bedri Meriç ("Şəki"): "Komandamı təbrik edirəm, çox yaxşı mübarizə apardıq. Karl Cons bu matçda zədəsinə görə oynaya bilmədi. Üstəlik, Ərcan Donat və Tariel Yusifzadə 5 faulla oyundan çıxarıldı. Ona görə də qısa oyunçu kimi Tərlan Abduləzizovu müdafiə məqsədilə meydana buraxdım. Rəqib sürətli tempdə oynayan komandadır. Ancaq qarşılarını müdafiə ilə ala bildik. Rəqib guya cəmi 10 faul edib. Bu, ikiqat olmalıdlr. Növbəti turda "Gəncə" ilə qarşılaşacağıq. Belə matçlara daha yaxşı motivasiya ola bilirik. Pley-offa düşmək üçün 1-ci olmaq istəyirik. Bunun üçün həmin matçda qalib gəlmək lazımdır. Məğlub olsaq da, pis olmayacağıq. Pley-inlə yolumuza əmin addımlarla davam edəcəyik".

Vadim Kuramşın ("Sumqayıt"): "Rəqibin kobud müdafiəsi ilə üzləşdik. "Şəki" bizə qarşı çox sərt oynadı. Hakimlər də hər kobud oyunu görmədi. Startda belə olacağını gözləmirdik. Oyunun 3-cü periodunda hesab arasında fərqi 2-yə endirsək də, sonda yenə də səhvlər öz sözünü dedi. Oyunçularımın fərdi oyuna üstünlük verməsi də nəticəyə təsir göstərdi. Növbəti oyunda "Quba"nı məğlub etsək, 4-cü yeri təmin edəcəyik. Mübarizə aparacağıq. İstənilən halda sıx və uyğunsuz qrafiklə üzləşmişik"