"Rəqibi qələbə münasibətilə təbrik edirəm".

Prosport.Az xəbər verir ki, bunu "Şəki" basketbol klubunun baş məşqçisi Bedri Meriç NTD-yə 66:71 hesabı ilə uduzduqları Azərbaycan Kubokunun 1/4 final matçından sonra deyib.

Türkiyəli mütəxəssis 2 yerli oyunçu ilə oynamağın çətin olduğunu bildirib: "Eyni zamanda uzun oyunçumuz (Karl Consu nəzərdə tutur – red.) II periodda zədələndi. Üstəlik, Ərcan Donat III periodda texniki faula görə oyundan uzaqlaşdırıldı. Pis oynadıq. Buna baxmayaraq, cəmi 5 xal fərqlə uduzduq. Məncə, qələbəyə kökləndiyimiz matç olsaydı, əminəm ki, qalib gələrdik".