“Abşeron”la oyuna tam heyətlə çıxacağıq".

Prosport.Az xəbər verir ki, bunu “Sərhədçi”nin baş məşqçisi Evren Alkaya Azərbaycan Basketbol Liqasının XVII turunda “Abşeron”a qarşı keçirəcəkləri oyundan öncə deyib.

Türkiyəli mütəxəssis matça yaxşı hazırlaşdıqlarını vurğulayıb: "Çox yaxşı hazırlaşmışıq. Marlon Teylor da zədəsini sağaldaraq geri dönüb. Rəqib son matçlarda məğlubiyyətlər yaşayıb. Bizimlə eyni sayda qələbələri var. Çox önəmli oyun olacaq. Rəqibin əsas oyunçularının geri dönüb-dönmədiyini bilmirik. Yeni və köhnə oyunçularımız bir-birilərinə yaxşı uyğunlaşıblar. Fərqli meydanda oynayacağıq, matçı qazanmağa və növbəti mərhələyə keçməyə çalışacağıq”.

Qeyd edək ki, bu gün Abşeron Olimpiya İdman Kompleksində keçiriləcək “Abşeron” - “Sərhədçi” görüşü saat 19:00-da başlayacaq.