"Ən yaxşı oyunlarımız hələ qabaqdadır".

Prosport.Az xəbər verir ki, bunu NTD-nin baş məşqçisi Tahir Baxşıyev Azərbaycan Basketbol Liqasının XVII turunda "Naxçıvan"la matçdan sonra deyib.

Millimizin də baş məşqçisi olan mütəxəssis qələbəyə görə sevincli olduqlarını bildirib:

“Liqanın liderlərindən biri ilə oynayırdıq. Ağır bir oyun gözləyirdik. Elə də oldu. Hücumda yenə yaxşı oynadıq, 80-dən çox xal topladıq. Ancaq müdafiədə heç də həmişə uğurlu oynamadıq. 3-cü periodın ortasında zona müdafiəyə keçdik. Bu da öz nəticəsini verdi. Oyunçular daha yaxşı müdafiə olunmağa və bir-birlərini başa düşməyə başladı. Hesab edirəm ki, bu komandanın potensialı daha yüksəkdir. Uşaqları məşqlərdə görürəm və bilirəm ki, onlar daha yaxşı oynaya bilər. Buna görə əminəm ki, ən yaxşı oyunlarımız hələ qabaqdadır”.

Qeyd edək ki, NTD – "Naxçıvan" qarşılaşması Bakı təmsilçisinin 85:78 hesablı qələbəsi ilə yekunlaşıb.