"Ötən oyuna nisbətən bu gün müdafiədə daha aqressiv idik".

Prosport.Az xəbər verir ki, bunu "Naxçıvan"ın baş məşqçisi Murat Dikmən NTD-yə qarşı Azərbaycan Basketbol Liqasının XVII turunun oyunundan sonra deyib.

Mütəxəssis açıqlamasında məğlubiyyətə görə üzgün olduqlarını bildirib:

"Təəssüf ki, ardıcıl 2-ci məğlubiyyətimiz oldu. Ötən oyuna nisbətən bu gün müdafiədə daha da aqressiv idik. 3 xallıq atışlarda çox aşağı faiz dərəcəsi ilə çıxış
etdik. Komandanın ən yaxşı 3-lük atan oyunçuları bu görüşdə çox yaxşı çıxış etmədi. Bu cür olanda da hücumda zəif performans sərgilədik. Rəqibimiz də bunu yaxşı dəyərləndirdi və zona müdafiəsinə keçdi. Belə olduğu təqdirdə də son periodda işimiz daha da çətinləşdi. Bir ara yaxşı reaksiya göstərərək 15 xal geridən gelməyi bacardıq. Hətta 5 xal önə də keçdik. Daha sonra rəqibimiz zona müdafiəsinə keçdi və biz də uğurlu hücumlar edə bilmədik. Belə olduğu halda da ritmimizi itirdik və rəqibimizə asan atış şansları tanıdıq. Xüsusilə, Kevin Alen içəridə çox yaxşı oyun sərgilədi. Qarşıda bizi kubokda “Abşeron”, daha sonra liqada “Sərhədçi” ilə matçlar gözləyir. Hər iki qarşılaşmaya köklənəcəyik. Liderliyi riyazi mənada əlimizdən buraxmasaq da, məntiqi olaraq itirmiş vəziyyətdəyik. Bundan sonra liqada ən azından 1 qələbə qazanıb müntəzəm mövsümü 2-ci sırada bitirməyi hədəfləyirik".

Qeyd edək ki, NTD – "Naxçıvan" qarşılaşması Bakı klubunun 78:85 hesablı qələbəsi ilə yekunlaşıb.