Bu günlərdə vətənimizdə işgüzar səfərdə olan Dünya Kikboksinq Təşkilatları Assosiasiyasının (WAKO) prezidenti Roy Beykerin və həmin təşkilatın vitse-prezidenti Salim Kayıcının Suraxanı Rayon İcra Hakimiyyətinin başçısı, Azərbaycan Kikboksinq Federasiyanın fəxri prezidenti Adil Əliyev və prezidenti Orxan Əliyevlə görüşü baş tutub.

Prosport.Az xəbər verir ki, görüşdə kikboksinq idman növünün ölkəmizdə inkişafı, cari il ərzində keçiriləcək yerli və beynəlxalq yarışlar haqqında müzakirələr aparılıb, 2027-ci ildə keçirilməsi planlaşdırılan uşaqlar, kadetler, yeniyetmələr və gənclər arasında Avropa çempionatı ilə bağlı ilkin danışıqlar aparılıb.

Görüşdə federasiyanın I vitse-prezidenti Elşən Abdulrəhimov, vitse-prezident Eduard Məmmədov da iştirak edib.

Görüşün sonunda qonaqlara xatirə hədiyyələri təqdim edilib.