"Şəki" Azərbaycan Basketbol Liqasında növbəti qələbəsini qazanıb.

Prosport.Az xəbər verir ki, B qrupunda yer alan komanda XVI turda "Ordu"nu qəbul edib.

Qarşılaşma meydan sahiblərinin 89:74 hesablı qalibiyyəti ilə bitib. Xallarının sayını 28-ə çatdıran "Şəki" müvəqqəti liderliyə yüksəlib. "Ordu" 27 xalla 2-cidir.

Tura bu gün saat 19:00-da start götürəcək "Quba" – "Gəncə" görüşü ilə yekun vurulacaq.

Qeyd edək ki, turun daha əvvəl keçirilən görüşlərində "Neftçi" "Naxçıvan"ı 114:70, "Sabah" "Sərhədçi"ni 89:73, "Sumqayıt" "Lənkəran"ı 88:83, NTD isə “Abşeron”u 98:85 hesabı ilə məğlub edib.