“Den Hukerin zədələndiyini və döyüşdən kənarlaşdırıldığını biləndə dərhal rəhbərliyə onu əvəz edə biləcəyimi bildirdim".

Prosport.Az xəbər verir ki, bu sözləri azərbaycanlı UFC döyüşçüsü Rafael Fiziyev martın 8-də Las-Veqasda Castin Qeyciyə qarşı keçirəcəyi döyüş barədə "MMA News"a danışarkən deyib.

O əvvəlcə rədd cavabı aldğını etiraf edib: "Əvvəlcə imtina etdilər. Mən də gedib özümə 1 kq dondurma aldım. Ertəsi gün isə zəng vurub dedilər ki, Veqasa uçum”.

Qeyd edək ki, yeni zelandiyalı Den Huker əlindən aldığı zədə səbəbindən "UFC 313"də Qeyci ilə döyüşdən imtina edib. Qısa müddətdə Rafael Fiziyev onu əvəz etməyə razılaşıb.

Xatırladaq ki, 2022-ci ildə Castin Qeyci ilə döyüşən həmyerlimiz ona uduzub.