Gənclər və idman naziri Fərid Qayıbov Dünya Kikboksinq Təşkilatları Assosiasiyasının (WAKO) prezidenti Roy Beykeri qəbul edib.

Prosport.Az xəbər verir ki, qonağı salamlayan nazir ona ölkəmizdə idman sahəsində qazanılan uğurlar barədə məlumat verib. Görüş zamanı Azərbaycanda kikboksinq idman növünün inkişafı istiqamətində görülən işlər, WAKO ilə əməkdaşlıq və digər məsələlər müzakirə olunub.

Görüşdə Gənclər və İdman Nazirliyinin İdman şöbəsinin müdiri Elnur Məmmədov, WAKO vitse-prezidenti, Türkiyə Kikboksinq Federasiyasının prezidenti Salim Kayıcı, Azərbaycan Kikboksinq Federasiyasının (AKF) prezidenti Orxan Əliyev, AKF I vitse-prezidenti Elşən Abdulrəhimov, AKF vitse-prezidenti Azər Aslanov və AKF baş katibi İlkin Məsimzadə də iştirak edib.