"Komandamız bu matçda mübariz oyun sərgilədi və qələbə qazanmaq üçün çalışdı".

Prosport.Az xəbər verir ki, bunu "Lənkəran" basketbol komandasının baş məşqçisi Georgi Kondruseviç deyib.

Belaruslu məşqçi Azərbaycan Basketbol Liqasının XV turunda "Şəki"yə 75:81 hesablı məğlubiyyəti şərh edib: "Bu gün 7 nəfərdən ibarət qısa heyətlə mübarizə apardıq. Qələbə qazanmaq üçün əla şansımız var idi. Amma təəssüf ki, bunu bacarmadıq. Oyunun sonlarında bir neçə 100%-lik epizoddan yararlana bilmədik. Bu da azmış kimi əsas oyunçularımızdan olan Maykl Karter matçın sonlarında cərimə limitinə görə bizə kömək edə bilmədi. Məhz bu amillər yekunda mövcüd hesaba gətirib çıxardı".

Qeyd edək ki, "Lənkəran" mövsümdə 12-ci dəfə uduzub və B qrupunda autsayderdir.