"Bu, həqiqətən yaxşı oyun idi. 10 xal geridən gəlib, qələbə qazanmaq əla idi. Biz bunu bacardıq".

Prosport.Az xəbər verir ki, bu sözləri “Sərhədçi”nin yeni transferi Cared Baynam Azərbaycan Basketbol Liqasının XV turunda NTD üzərində 84:83 hesablı qələbəni şərh edərkən deyib.

ABŞ-dən olan basketbolçu qalib gəldikləri matçla bağlı fikirlərini bölüşüb: "Ümumilikdə, komandamız inamlı qələbə qazandı. Rəqib yaxşı kollektivdir. Qalib gəlməyə davam etmək üçün inkişaf mütləqdir. Daha güclü olacağıq".

Cared Baynamın sözlərinə görə, yeni komanda yoldaşları ilə oynamaq onun üçün xoş idi: "Mən özümü təsdiqləməyə, onlara nə edə biləcəyimi göstərməyə və onların nə edə biləcəyini öyrənməyə çalışıram. Liqaya və üsluba öyrəşdikdən sonra daha yaxşı oynayacağam".