"Şəki" bu mövsüm daha bir aparıcı basketbolçusu ilə vidalaşıb.

Prosport.Az xəbər verir ki, klub məcburiyyətdən komandanın kapitanı Aleks Koldvellə müqaviləyə qarşılıqlı razılıq əsasında xitam verib.

Ayrılığa səbəb amerikalı basketbolçunun şəxsi həyatında üzləşdiyi problemdir.

Qeyd edək ki, "Şəki" cari mövsüm 2-ci dəfə belə şanssız halla üzləşir. Daha öncə komandanın əvvəlki kapitanı Kris Barton Gəncədəki oyunda ağır zədə alıb, əməliyyat keçirdiyindən onunla yollar ayrılmışdı.