Azərbaycan Kikboksinq Federasiyasının yeni vitse-prezidentləri və yığma komandanın yeni baş məşqçisi bilinib.

Prosport.Az-ın xəbərinə görə, federasiyanın fəxri prezidenti, Suraxanı rayon İcra Hakimiyyətinin başçısı Adil Əliyevin rəhbərliyi altında keçirilən toplantıda millinin sabiq baş məşqçisi və bundan öncəki iclasda icraçı direktor təyin edilmiş Elşən Abdulrəhimov I vitse-prezident, Azər Aslanov və Eduard Məmmədov vitse-prezident təyin edilib.

Federasiyanın İdarə Heyətinin sədr müavini də olan Eduard Məmmədov həm də Bakı regionu üzrə nümayəndə olacaq.

Bunadək millidə məşqçi işləyən Telman Məhərrəmov isə böyüklərdən ibarət yığmaya baş məşqçi təyin olunub.

Federasiyanın prezidenti postu isə yenidən Orxan Əliyevə həvalə edilib.

Səbuhi Musa