"Fasiləni yaxşı dəyərləndirə bilmədik".

Prosport.Az xəbər verir ki, bunu "Abşeron"un baş məşqçisi Ərhan Tokər "Neftçi"yə qarşı Azərbaycan Basketbol Liqasının XV turunun oyunundan sonra deyib.

Türkiyəli mütəxəssis məğlub olduqları görüş barədə danışıb: "Bəzi oyunçularımız Amerikaya vətənlərinə getdi. Yeni transferimiz Ömər Yavaş yenidən Türkiyə qayıtmaq məcburiyyətində qalmışdı. Məşq meydançaları ilə bağlı problemlərimiz oldu. Bir neçə bu kimi problemlərimiz oldu. 2 oyunçu komandamıza qoşulub ki, onlarında uyğunlaşma mərhələsi gedir. Asan iş deyil. İstər-istəməz komandadaxili rollar dəyişir. Ümumi baxsaq, sırf bu oyuna hazırlıq cəmi 3 gün çəkdi. Bütün bunları nəzərə alsaq, tam hazır olmağımız 2-3 oyundan sonraya təsadüf edəcək.

Yenə də qazanmaq üçün parket üzərinə çıxacağıq. Amma qarşıdakı 2 matçda da yaxşı oyunumuz alınmaya bilər.  Düzdür, komandamız özünə gələnə kimi müntəzəm mövsüm yekunlaşacaq və biz "3-lük"də olmaya da bilərik. Biz yeni oyunçuları komandaya gətirəndə də sırf ilk 3 pillədə qərarlaşmaq üçün deyil, pley-off və "4-lər finalı"na vəsiqə qazanmağı əsas hədəf kimi qarşıya qoymuşuq. Bu matça gəlincə, bir daha rəqib "Neftçi" kollektivini qələbə münasibəti ilə təbrik edirəm..

Qeyd edək ki, "Neftçi" – "Abşeron" qarşılaşması qonaqların 56:80 hesablı məğlubiyyəti ilə yekunlaşıb.