MMA üzrə Azərbaycanı təmsil edən Nazim Sadıxov məşhur UFC turnirində növbəti qələbəsini qazanıb.

Prosport.Az xəbər verir ki, "UFC Fight Night 251" turniri ABŞ-nin Las-Veqas şəhərində keçirilib.

Yüngül çəkidə çıxış edən N.Sadıxov Braziliyadan olan İsmael Bonfimlə qarşılaşıb.

Döyüşün ilk raundu nisbətən bərabər mübarizə şəraitində keçsə də, həlledici məqam fasiləyə az qalmış azərbaycanlı döyüşçüsünün İsmael Bonfimin sağ göz nahiyəsinə ayaqla uğurlu zərbə endirməsi olub. Fasilə zamanı həkimlər Nazimin rəqibinin sağ gözü ilə görə bilmədiyini müəyyən etdikdən sonra döyüşü dayandırıb.

Beləliklə, Nazim Sadıxov 2 illik aradan sonra UFC-də 10-cu qələbəsini qazanıb.

Qeyd edək ki, "Qara canavar" ləqəbli Nazim Sadıxov 2023-cü ilin noyabrın 11-də rusiyalı Vyaçeslav Borşşevlə heç-heçədən sonra ötən il 2 dəfə döyüşməyə cəhd etsə də, alınmamışdı. Ötən ilin iyulun 13-də şotlandiyalı Kris Dankan virusa yoluxduğu üçün onunla döyüşə bilməmişdi. Daha sonra onun yerinə əvəzləyici təyin olunan MarKel Mederos döyüşdən imtina etmişdi.