Azərbaycanlı qarışıq döyüş ustası Nazim Sadıqov braziliyalı İsmael Bonfimlə görüşə hazırlığını davam etdirir.

Prosport.Az xəbər verir ki, qarşılaşma fevralın 15-də Las-Veqasda "UFC Fight Night" turniri çərçivəsində keçiriləcək.

Sadıqov qarşıdakı döyüşlə bağlı fikirlərini bölüşüb: “Döyüş həftəsi rəsmi olaraq başlayıb. Üzərində işlədiyimiz hər şeyi göstərməyin vaxtıdır. Şənbə günü "Apex Arena"da. Tezliklə görüşənədək".

Bonfim UFC-də 24 döyüş keçirib, onlardan 20-də qalib gəlib. Sadıxovun hesabında 11 döyüş (9 qələbə, 1 heç-heçə və 1 məğlubiyyət) var. O, son döyüşünü ötən il noyabrın 11-də Nyu-Yorkda "Madison Square Garden"də rusiyalı Vyaçeslav Borşevə qarşı keçirib. Üç raundluq mübarizədən sonra hakimlər heç-heçə qeydə alıblar.