Xorvatiyanın paytaxtı Zaqrebdə keçirilən reytinq xarakterli “Zagreb Open” turnirində Azərbaycanın daha 6 güləşçisi mübarizə aparıb.
Prosport.Az xəbər verir ki, 59 kq-da 2 qadın təmsilçimiz xalça üzərinə çıxıb.
Alyona Kolesnik və Günay Qurbanova arasında gərgin mübarizə şəraitində keçən finalda daha əzmkar güləş nümayiş etdirən Günay ukraynalı legionerimizə 4:2 hesablı qələbə qazanıb.
Yunan-Roma 63 kq-da güləşən Ziya Babaşov amerikalı Elis Kolmanla görüşdə son saniyələrdə təşəbbüsü əldən verərək bürünc medal əldə etmək şansını itirib – 3:5.
18:55
Xorvatiyanın paytaxtı Zaqrebdə güləş üzrə reytinq turniri davam edir.
Prosport.Az xəbər verir ki, bu gün daha 4 güləşçimiz “Zaqreb Open”də döşək üzərinə çıxıb.
Alyona Kolesnik (59 kq) macarıstanlı Erika Boqnar (5:2) və amerikalı Mikaela Bekə (tuş), Günay Qurbanova isə amerikalı Sofiya Makaluso (tuş) və moldovalı Mariana Kerdivaraya (8:2) qalib gəlib. Hər iki güləşçimiz yarımfinalda uğurlu çıxış edib. Kolesnik Çerdivaranı 3:1, Qurbanova isə Beki 6:0 hesabıyla məğlub edərək finala yüksəlib. Milli üzvləri finalda qarşılaşacaq.
Murad Məmmədov (63 kq) ilk mərhələdə özbəkistanlı Aytcan Xalmaxanova 5:14 hesabı ilə uduzub. Onunla eyni çəkidə yer alan Ziya Babaşov belaruslu Qleb Makarankoya (AIN) üstün olaraq (2:1) yarımfinala yüksəlib. O, finala gedən yolda rusiyalı Dinislam Bammatova (AİN) məğlub olub – 0:8. Ziya bürünc medal uğrunda amerikalı Elis Kolmanla güləşəcək.
Olimpiya mükafatçımız Həsrət Cəfərov (67 kq) təsnifat mərhələsində norveçli Morten Toreseni asanlıqla mübarizədən kənarlaşdırıb – 5:1. Həsrət moldovalı Valentin Petiçlə görüşdə 7:0 öndə olarkən qulağından ciddi zədə alıb və yarışı tərk etmək məcburiyyətində qalıb. Bu çəkidəki digər təmsilçimiz Fərid Xəlilov debütdə serbiyalı Sebastyan Nada sonuncu xal prinsipinə görə (3:3) məğlub olub.
Qeyd edək ki, yığmamız “Zagreb Open”də 7 medal qazanıb. Sərbəst güləşçilərimizdən Kənan Heybətov (70 kq) qızıl, İslam Bazarqanov (57 kq), Arseni Cioyev (86 kq), Osman Nurməhəmmədov (92 kq) gümüş, Nurəddin Novruzov (61 kq), Əli Rəhimzadə (65 kq), Əbubəkr Abakarov (92 kq) isə bürünc medala sahib çıxıb.