Azərbaycan güləşçiləri Xorvatiyanın paytaxtı Zaqrebdə keçirilən ilin ilk reytinq turniri “Zagreb Open”in ilk günündə 5 medal qazanıb.

Prosport.Az xəbər verir ki, sərbəst güləş millimiz 1 qızıl, 2 gümüş və 2 bürünc medal əldə edib.

70 kq çəki dərəcəsində mübarizə aparan Kənan Heybətov qızıl medala sahib çıxıb.

İslam Bazarqanov (57) və Arseni Cioyev (86 kq) gümüş, Nürəddin Novruzovla (61 kq) Əli Rəhimzadə (65 kq) bürünc medalla kifayətlənib. Bazarqanov və Cioyev finalda ABŞ güləşçilərinə uduzub.

Bu gün qadın güləşçilərimizdən Elnurə Məmmədova (55 kq), sərbəst güləşçilərdən Əbubəkr Abakarov və Osman Nurməhəmmədov (hər ikisi 92 kq) mübarizəyə qoşulacaq.

Qeyd edək ki, “Zagreb Open” fevralın 9-dək davam edəcək. Yarışda hər 3 millimizin ümumilikdə 26 üzvü mübarizə aparacaq.