Azərbaycanın qadın güləşçisi Mariya Stadnik karyerasını başa vurduğunu açıqlayıb.

Prosport.Az xəbər verir ki, titullu idmançı bu barədə instaqramdakı şəxsi hesabında paylaşım edib.

"Mən adımı dünya qadın güləşi tarixinə yazdım. Bu tarixi mənimlə birlikdə yaradan hər kəsə minnətdaram. İndi isə həyatımın bu səhifəsini bağlayıb yeni bir tarix yazmağın vaxtıdır. Güləş, hər şey üçün sənə təşəkkür edirəm".

Qeyd edək ki, Mariya Stadnik Paris-2024-ü medalsız başa vurub. İkiqat dünya və onqat Avropa çempionu əvvəlki 4 Olimpiadada 2 gümüş və 2 bürünc mükafat əldə edib. Onun Paris Olimpiadasından sonra karyerasını bitirəcəyi gözlənilsə də, yalnız indi bunu açıqlayıb.