"Mənim üçün nəyin daha yaxşı olacağını düşünmək üçün fasilə vermişdim".

Prosport.Az xəbər verir ki, bunu Azərbaycanın qadın güləşçisi Mariya Stadnik (50 kq) şəxsi instaqram hesabında yazıb.

Titullu idmançı karyerasını davam etdirə biləcəyinə işarə verib: "2024-cü ildə Parisdəki Yay Olimpiya Oyunlarından sonra bir çox insanlar məndən soruşdular. İdman karyeranın sonudur, yoxsa davam edəcəksən? Qərarımı tezliklə sizə açıqlayacağam".

Qeyd edək ki, Mariya Stadnik Paris-2024-ü medalsız başa vurub. İkiqat dünya və onqat Avropa çempionu əvvəlki dörd olimpiadada 2 gümüş və 2 bürünc mükafat əldə edib.