Bu gün Azərbaycan Basketbol Federasiyasının (ABF) vitse-prezidenti Fərrux Mahmudov ölkəmizdə keçirilən "Aliağa Petkimspor" (İsrail) – "Hapoel" (Holon, İsrail) FIBA Çempionlar Liqasının 3-cü pley-in görüşündən əvvəl ilk matç zamanı itirilmiş pul vəsaitini tapan və onu aidiyyatı üzrə təhvil verilməsini təmin edən polis serjantı Abidov Nahid Zahid oğluna federasiya rəhbərliyi adından təşəkkürnaməni təqdim edib.

Prosport.Az xəbər verir ki, Fərrux Mahmudov xidmət zamanı yüksək peşəkarlıq  göstərən polis serjantı Nahid Abidova federasiya prezidenti Emin Əmrullayev adından bir daha təşəkkürünü bildirərək, gələcək xidməti işlərində uğurlar arzulayıb.

Qeyd edək ki, yanvarın 7-də itirilmiş 10 min manat pul məbləği basketbol millimizin sabiq üzvü və "Quba" komandasının oynayan məşqçisi Zaur Paşayevin cibindən düşübmüş. Onun bu haqda müsahibəsini buradan oxuya bilərsiniz.