Azərbaycanın sərbəst, yunan-Roma və qadın güləşçiləri federasiyanın təlim-məşq bazasında hazırlıq keçirlər.
Prosport.Az xəbər verir ki, idmançılar məşqçilərin nəzarəti altında həm fiziki, həm də taktiki-texniki çalışmaları yerinə yetirirlər.
Sərbəst güləş üzrə yığmanın bir qrupu yanvarın 19-da Dağıstana yollanacaq. Komandanın əsas heyəti fevralın 1-dək Mahaçqalada təlim-məşq toplanışı keçəcək.
Yunan-Roma və qadın güləşi üzrə millilərimiz isə fevralın 5-dən 9-dək Xorvatiyadakı ilin ilk reytinq turnirinədək məşqləri doğma məkanda davam etdirəcək. Hər iki komandamız “Zaqreb Open”dən sonra qarşıdakı mühüm yarışlara ölkə xaricində hazırlaşacaq.