Dövlət Sərhəd Xidmətinin (DSX) mayoru, kikboksinq üzrə Əməkdar məşqçi Fuad Zeynalova hücum etməkdə ittiham edilən idmançılardan 3-ü məhkəməyə çıxarılıb.

Prosport.Az xəbər verir ki, insidentdə iştirak edən kikboksçular cinayət məsuliyyətinə cəlb edilib. 

Bunlar Elnur Həmidov, Elçin Hüseynov və Musa Əhmədovdur.

Onlara qarşı Cinayət Məcəlləsinin 221.2.1-ci (bir qrup şəxs tərəfindən və ya təkrarən xuliqanlıq törədildikdə) maddəsi ilə ilkin ittiham irəli sürülüb. 

Prokuror təqsirləndirilən şəxslərin hər üçünün ilkin istintaq müddətində həbsini tələb edib.

Təqdimata Xətai Rayon Məhkəməsində baxılıb. Hakim Fuad Axundovun qərarı ilə Elçin Hüseynov, Elnur Həmidov və Musa Əhmədov barəsində 3 aylıq həbs qətimkan tədbiri seçilib. Həmin şəxslər Kürdəxanı qəsəbəsində yerləşən Bakı İstintaq Təcridxanasında sorğu-suala çəkiləcək.

Qeyd edək ki, insidentə görə Azərbaycan Kikboksinq Federasiyasının sabiq I vitse-prezidenti və İdarə Heyətinin sədr müavini Ramal Aslanov və Elvin Məmmədov da saxlanılıb. Onlar barədə sabah qərar veriləcək.