Azərbaycan Kikboksinq Federasiyasının prezidenti Orxan Əliyev qurum əməkdaşlarının iştirakı ilə baş vermiş xoşagəlməz hadisə ilə bağlı qərarlar verib.

Prosport.Az xəbər verir ki, federasiyanın I vitse-prezidenti və İdarə Heyətinin sədr müavini Ramal Aslanov Fuad Zeynalova hücumun təşkilində rolu olduğu üçün tutduğu vəzifələrdən azad edilib.

Bundan əlavə, Azərbaycan Kikboksinq Federasiyasının nəzdində fəaliyyət göstərən, cinayətin törədilməsində iştirak edən Elnur Həmidovun direktoru və baş məşqçisi olduğu "Draqon Fayt Akademi" idman klubunun lisenziyası ləğv olunub.

Fuad Zeynalovun isə Azərbaycan Kikboksinq Federasiyasının nəzdində məşqçi fəaliyyətinə xitam verilib

Əvəzində kikboksinq millisinin baş məşqçisi olan Elşən Abdulrəhimov federasiyanın icraçı direktoru təyin edilib.