Azərbaycanın MMA döyüşçüsü Vüqar Kərəmov növbəti dəfə kəmər görüşündə uduzub.

Prosport.Az xəbər verir ki, o, "Rizin" turnirində yapon əsilli braziliyalı, "Satoşi" ləqəbli Robertu de Souza ilə üz-üzə gəlib.

Yaponiyanın Saitama şəhərində baş tutan görüş rəqib idmançının qələbəsi ilə başa çatıb. “Rizin 49” çərçivəsində keçirilən kəmər döyüşünün ilk raundunda Satoşi boğucu fəndlə qalib gəlib.

Qeyd edək ki, daha əvvəl 2021-ci ildə Vüqar Kərəmovun sabiq dostu Tofiq Musayev Robertu de Souzaya 1-ci raundda boğucu fəndlə uduzmuşdu.

Xatırladaq ki, Vüqar Kərəmov ötən il noyabrın 4-də Bakıda keçirilmiş "Rizin" turnirində uduzaraq qazandığı kəməri müdafiə edə bilməyib.