Azərbaycanın sərbəst güləş üzrə ən ağır çəkidə ikiqat dünya, beşqat Avropa mükafatçısı, ikiqat Avropa Oyunlarının bürünc medalçısı və IV İslam Həmrəyliyi Oyunlarının qalibi olmuş Camaləddin Məhəmmədov dekabrın 25-də qəzaya uğramış təyyarədə ola bilərmiş.

Prosport.Az-ın xəbərinə görə, 35 yaşlı sabiq güləşçi rusiyalı həmkarı Ramazan Məhəmmədovla birgə Bakıya uçacaqmış.

Dağıstan avarı olan C.Məhəmmədov bu səbəbdən də Çeçenistanın paytaxtı Qroznıya gəlibmiş. Onun Bakıya səfərinin məqsədi Bakı İdman Sarayında keçirilən güləş üzrə Azərbaycan çempionatını izləmək və Yeni İl öncəsi Bakını gəzmək olub.

Lakin təyyarənin qəzaya uğraması səbəbindən Bakıya nəzərdə tutulan səfər baş tutmayıb. Bu səbəbdən də o, biletini geri qaytarıb.

Məsələ ilə bağlı Camaləddin Məhəmmədovu danışdırmaq istəsək də, o bu haqda danışmaq istəmədiyini bildirdi. Əslində bu da başadüşüləndir. Çünki onun Rusiya tərəfindən vurulmuş təyyarə ilə bağlı açıqlaması yaşadığı ölkədə birmənalı qarşılanmaya bilər.

Səbuhi Musa