"Qarabağ"ın 11 yaşadək komandası (U-11) Polşanın Krakuv şəhərində keçiriləcək "Murapol Cup" turnirində iştirak edəcək.

Prosport.Az-ın xəbərinə görə, Eldəniz Qiyasovun yetirmələrinin iştirak edəcəyi turnir mayın sonlarında keçiriləcək. 

13-cü dəfə keçiriləcək turnir Krakuv meri Aleksander Mişalski tərəfindən maliyyələşdirilir və Polşa Gənclər və Turizm Nazirliyinin bayrağı altında təşkil olunur. Bu il 31 may – 2 iyun tarixlərində ilk dəfə 14 komandanın iştirakı ilə keçirilmiş turnirdə Polşanın tanınmış klubları ilə yanaşı, "Xenk" (Belçika), "Dinamo" (Kiyev, Ukrayna), "Partizan" (Serbiya) və "İqlz" (ABŞ) mübarizə aparıb. Sonda qalib "Xenk"ə finalda 4:1 qalib gəlmiş "Partizan" olub. 

Qeyd edək ki, artıq bir dəfə Azərbaycan təmsilçisi bu yarışda iştirak edib. "Qəbələ"nin U-11 komandası 2019-cu ilin iyununda "Mançester Yunayted" kimi komandanın da iştirak etdiyi 10-cu "Murapol Cup"da mübarizə aparıb. Həmin vaxt Şəhruz Mustafayevin yetirmələri 9-cu olmuşdu.