Güləş üzrə Azərbaycan çempionatı sabah Azərbaycanda matəm elan edilməsi ilə əlaqədar 1 günlük təxirə salınıb.

Prosport.Az-ın xəbərinə görə, bu səbəbdən də sərbəst güləş üzrə 57, 65, 74, 86 və 97 kq-da mübarizə sabah yox, dekabrın 27-də baş tutacaq.

61, 70, 79, 92 və 125 kq-da qaliblər isə dekabrın 28-də müəyyənləşəcək. Yarışın son 2 gününün görüşləri də Bakı İdman Sarayında keçiriləcək.

Qeyd edək ki, daha əvvəl basketbol və taekvondo yarışları təxirə salınıb. Lakin futzal yarışı sabah keçiriləcək.