Azərbaycan Basketbol Liqasının IX turu çərçivəsində bu gün keçiriləcək qarşılaşmalar və güləş üzrə ölkə çempionatının final görüşləri 1 dəqiqəlik sükutla başlayacaq.

Prosport.Az xəbər verir ki, bu barədə idman.biz-ə hər iki federasiyanın mətbuat xidmətindən məlumat verilib.

Bildirilib ki, bu gün baş vermiş təyyarə qəzasında həlak olanların ruhu 1 dəqiqəlik sükutla yad ediləcək. Hər iki yarışda musiqi səsləndirilməyəcək. Həmçinin, basketbol oyunlarında fasilə zamanı dəstək qrupu da çıxış etməyəcək.

Qeyd edək ki, “Sərhədçi” İdman Mərkəzində “Ordu” “Lənkəran”la “Neftçi” “Sərhədçi” ilə üz-üzə gələcək. Yunan-Roma güləşi üzrə Azərbaycan çempionatında isə 5 çəkidə qaliblər bəlli olacaq.