Azərbaycan Respublikasının bir qrup idmançı və idman mütəxəssisi təltif edilib.

Prosport.Az xəbər verir ki, bununla bağlı Prezident İlham Əliyev Sərəncam imzalayıb.

Sərəncama əsasən, Azərbaycanda idmanın inkişafında xidmətlərinə görə Natiq Bağırov (Cüdo Federasiyasının prezidentinin müşaviri), Rauf Bunyatəliyev (Bodibildinq və Fitness Federasiyasının prezidenti), Cavanşir Qurbanov (Güləş Federasiyasının sabiq vitse-prezidenti) və Sadıq Sadıqov ("Neftçi" İK İdarə Heyətinin sədr müavini) “Azərbaycan Respublikası Prezidentinin fəxri diplomu” ilə mükafatlandırılıb.

Zərqələm Abbasova, Vasif Abdullayev (Tovuz rayon Gənclər və İdman idarəsinin rəis müavini), İqrar Cəfərov (Lənkəran-Astara Regional Gənclər və İdman İdarəsinin baş məsləhətçisi), Fərhad Əliyev (Kanoe və Avarçəkmə Federasiyasının baş katibi), Musa Mamedov (Şərqi Zəngəzur Regional Gənclər və İdman İdarəsinin Kəlbəcər rayonu üzrə gənclər və idman sektorunun müdiri), Aydın Məmmədov (Gənclər və İdman Nazirliyinin Kütləvi bədən tərbiyəsi və texniki idman növləri sektorunun müdiri), Nəsimi Musayev (Güləş Federasiyasının baş katibi), Rəşad Rəsullu (Cüdo Federasiyasının icraçı vitse-prezidenti və baş katibi), Tahir Tahirov (Bakı şəhər Gənclər və İdman Baş İdarəsinin sektor müdiri) və Vüqar Verdiyev (bodibildinq üzrə Avropa çempionu) “Tərəqqi” medalına layiq görülüb.

Nəriman Abdullayev (boks millimizin məşqçisi) və Rövşən Umudov (qadın güləşi üzrə U-20 və U-17 millimizin böyük məşqçisi) “Əməkdar bədən tərbiyəsi və idman xadimi” fəxri adı ilə təltif olunub.

Faiq Qarayev (Voleybol Federasiyasının vitse-prezidenti və qadın millimizin baş məşqçisi), Mirağa Qiyasov (sambo məşqçisi) və Ramiz Tağıyevə (sərbəst güləş məşqçisi) isə Azərbaycan Respublikası Prezidentinin fərdi təqaüdü veriləcək.